کینیڈا کے وزیر اعظم جسٹن ٹروڈو کے مستعفی ہونے کے بعد ان کے جانشین کے طور پر سب سے مضبوط امیدوار بن کر سامنے والی خاتون انیتا آنند بھارتی نژاد ہیں۔ عالمی خبر رساں اداروں کے مطابق کینیڈا میں نئے وزیرِ اعظم کے انتخاب کا عمل 24 مارچ تک مکمل ہونے کا امکان ہے جس میں وزیرِ نقل و حمل انیتا آناںد کے منتخب ہونے کے امکانات زیادہ ہیں۔ لبرل پارٹی کی سینئر رکن انیتا آناںد ایک تجربہ کار سیاستدان ہیں جنہوں نے وزیرِ عوامی خدمات، وزیرِ قومی دفاع اور وزیرِ خزانہ کے طور پر بھی اہم خدمات انجام دی ہیں۔ انیتا آناںد 1967 میں کینیڈا میں مقیم بھارتی نژاد والدین کے گھر پیدا ہوئیں, انہوں نے 1985 میں سیاسیات میں ڈگری حاصل کی اور پھر آکسفورڈ یونیورسٹی سے بیچلر آف آرٹس کیا اس کے بعد انہوں نے یونیورسٹی آف ٹورنٹو سے قانون میں بیچلر اور ماسٹرز کی ڈگریاں حاصل کیں اور وہاں قانون کی پروفیسر کے طور پر بھی کام کیا۔ انیتا آناںد نے 1995 میں جان نولٹن سے شادی کی جو ایک مقامی وکیل اور کاروباری شخصیت ہیں اور ان کے چار بچے ہیں۔ انیتا آناںد 2019 سے پارلیمنٹ کی رکن ہیں اور اس وقت وزیرِ نقل و حمل کے طور پر کام کر رہی ہیں۔ وہ ایل جی بی ٹی کیو آئی اے کمیونٹی کے حقوق کی حمایت کرتی ہیں اور کینیڈا میں تنوع کے حوالے سے مثبت نقطہ نظر کی علمبردار ہیں۔ اگر انیتا آناںد وزیرِ اعظم منتخب ہوتی ہیں تو وہ کینیڈا کی پہلی خاتون وزیرِ اعظم بن کر ایک نیا سنگ میل عبور کریں گی۔
