نیشنل ویمن ٹی ٹوئنٹی ٹورنامنٹ کراچی میں ہوگا

نیشنل ویمن ٹی ٹونٹی کرکٹ ٹورنامنٹ مئی کے پہلے ہفتے میں کراچی میں شیڈول ہے۔ ذرائع کے مطابق ٹیموں کا پری ٹورنامنٹ کیمپ 3 سے 6 مئی تک لگایا جائے گا، ٹورنامنٹ میں ٹوٹل 5 ٹیمیں حصہ لیں گی۔ پانچوں ٹیمیں پی سی بی کے مینٹورز کی زیر نگرانی ٹورنامنٹ میں شرکت کریں گی، ٹیموں میں سٹرائیکرز، سٹارز، کانکرز، انونسیبلز اور چیلنجرز شامل ہیں۔ نیشنل ویمن ٹی ٹوئنٹی ٹورنامنٹ میں روزانہ دو لیگ میچز کھیلے جائیں گے، ویمنز ٹی ٹوئنٹی ٹورنامنٹ کا پہلا میچ 7 مئی کو اسٹرائیکرز اور اسٹارز کے مابین کھیلا جائے گا۔ نیشنل ویمن ٹی ٹوئنٹی ٹورنامنٹ کا فائنل 24 مئی کو نیشنل بینک سٹیڈیم میں کھیلا جائے گا۔