گزشتہ سال وائٹ کالر ملازمتوں میں کمی کے باوجود 2025 میں متحدہ عرب امارات کی جاب مارکیٹ ’امید بھری‘ نظر آتی ہے۔ آفس ملازمین کے مقابلے میں مزدوروں کی طلب میں واضح اضافہ دیکھنے میں آیا ہے۔ عرب امارات کے سب سے بڑے ایچ آر اور اسٹافنگ سلوشنز فراہم کرنے والے انوویشنز گروپ نے وائٹ کالر ملازمتوں میں کمی کا انکشاف کیا ہے جس کے مطابق گزشتہ سال 21 فیصد کمی واقع ہوئی ہے یہ کمی ملازمت کے مختلف کرداروں اور زمروں کے باوجود بھرتی کی سرگرمیوں میں کمی یا ممکنہ ملازمت کے چیلنجوں کی نشاندہی کرتی ہے۔ انوویشنز گروپ کے ڈائریکٹر نکھل نندا نے کہا کہ امارات کی جاب مارکیٹ میں ہمیں نئی امید نظر آتی ہے 2025 کے چند قابل ذکر رجحانات کی بدولت ملک میں نئے کاروبار میں اضافہ ہوا ہے، جس میں استقبالیہ، چھوٹا آفس اسٹاف اور گودام کا عملہ شامل ہے۔ انہوں نے بتایا کہ سیلز ایگزیکٹوز کے کردار کی اہمیت کی وجہ سے وہ انٹری لیول کے عہدوں پر حاوی ہیں، جو نئے کاروباری نمو کو آگے بڑھانے میں مدد فراہم کرتے ہیں۔ نکھل نندا نے مزید وضاحت کی کہ بلیو کالر ملازمتوں میں اضافہ جاری بڑے رہائشی اور تجارتی بنیادی ڈھانچے کے منصوبوں سے منسلک ہے۔ ان کا کہنا تھا کہ رہائشی تعمیرات کی وجہ سے تعمیراتی کارکنوں کی مانگ میں اضافہ ریکارڈ کی اعلیٰ منصوبہ بندی کی رہائشی فروخت کی بدولت ہوا ہے جس سے تعمیراتی سرگرمیوں میں تیزی آئی ہے۔ نکھل نندا نے یہ بھی کہا کہ مشرق وسطیٰ میں جغرافیائی سیاسی عدم استحکام کی وجہ سے آپریشنل اور مینٹیننس کی بڑھتی سرگرمیاں امارات کی بندرگاہوں میں کام کے مواقع بڑھا رہی ہیں جس سے لاجسٹک اور بندرگاہ کے انتظامی شعبوں میں نئے مواقع پیدا ہو رہے ہیں۔
