سکول ایجوکیشن ڈیپارٹمنٹ پنجاب نے تحریری امتحان میں پاس ہونے والے امیدواروں سے ڈی ای او اور ڈی ڈی ای او کی پوسٹوں کیلئے انٹرویو مکمل کرلیے ۔ وزیرتعلیم کی تجویز پر معروف موٹیویشنل سپیکر اورائر ویزمیڈیاگروپ کے نائب صدر قاسم علی شاہ انٹرویوپینل میں شامل تھے، اس کے علاوہ مزمل محمود(ممبرچیف منسٹرایڈوائزری کمیٹی)اورشاہدمحبوب (ایڈیشنل سیکرٹری سکولز ) بھی کمیٹی میں شامل تھے ۔ یہ انٹرویوپنجاب کی 9ڈویژنز میں تحریر ی امتحان پاس کرنے والے 409امیدواروں کے لیے کیاگیا، انٹرویو میں امیدواروں کارکردگی، ابلاغی صلاحیت، قائدانہ اہلیت اور استعدادکار کو جانچا گیا۔
