جنوبی افریقا نے بنگلا دیش کو ٹیسٹ سیریز میں وائٹ واش کردیا

جنوبی افریقا نے بنگلا دیش کو شکست دے کر سیریز 2-0 سے جیت لی۔جمعرات کو چٹاگانگ میں دوسرے ٹیسٹ کے تیسرے دن جنوبی افریقا نے میزبان ٹیم کو 143 رنز پر آؤٹ کرکے ایک اننگز اور 273 رنز سے کامیابی سمیٹ لی۔جنوبی افریقا نے اپنی پہلی اننگز 575 رنز 6 وکٹوں کے نقصان پر ڈکلیئر کی تھی جس کے جواب میں بنگلا دیشی ٹیم 159 رنز پر آؤٹ ہوکر فالو آن کا شکار ہوگئی، دوسری اننگز میں بنگلا دیشی ٹیم 143 رنز بناسکی۔جنوبی افریقا کی طرف سے کاگیسو ربادا نے میچ کی پہلی اننگز میں 5 وکٹیں حاصل کیں جبکہ دوسری اننگز میں کیشو مہاراج نے 5 اور سینورن متوسوامی نے 4 بنگلادیشی کھلاڑیوں کو آؤٹ کیا۔اس سے قبل میر پور میں کھیلے گئے پہلے ٹیسٹ میں جنوبی افریقا نے بنگلادیش کیخلاف سات وکٹوں سے کامیابی حاصل کی تھی۔