ویسٹ انڈیز کرکٹ ٹیم دورۂ پاکستان کے لیے چل پڑی ہے اور اس کا سفر جاری ہے۔ رپورٹس کے مطابق ویسٹ انڈیز کا ٹیسٹ سکواڈ دبئی پہنچ گیا ہے جہاں یہ ریکوری سٹاپ کرے گا،ری کوری سٹاپ کے بعد سکواڈ پاکستان کے لیے روانہ ہوگا، ویسٹ انڈیز ٹیسٹ سکواڈ 6 جنوری کو اسلام آباد پہنچے گا،ویسٹ انڈیز کی ٹیم 10 جنوری سے پاکستان شاہینز کے خلاف 3 روزہ پریکٹس میچ کھیلے گی۔ پاکستان اور ویسٹ انڈیز کے درمیان 2 ٹیسٹ میچز کی سیریز ملتان میں شیڈول ہے۔
