پاکستان کرکٹ ٹیم کے اسسٹنٹ کوچ اظہر محمود ٹیم کے ہیڈ کوچ بننے کے خواہشمند ہیں۔ ذرائع کے مطابق اظہر محمود ہیڈ کوچ کیلیے درخواست جمع کروائیں گے،پاکستان کرکٹ بورڈ نے 4 مئی تک ہیڈ کوچ کیلیے درخواستیں طلب کی ہوئی ہیں۔اظہر محمود ایک سال سے پاکستان ٹیم کے اسسٹنٹ کوچ ہیں،سابق آل راؤنڈر اظہر محمود کا پی سی بی کے ساتھ دو سال کا معاہدہ ہے۔ ذرائع نے بتایا کہ اظہر محمود اب ہیڈ کوچ بن کر پاکستان ٹیم کیلیے کام کرنا چاہتے ہیں۔
