حال ہی میں سائنس دانوں نے اے آئی پر مبنی ایک جدید اسکریننگ ٹیسٹ متعارف کرایا ہے جو کہ خون کا معائنہ کرکے چھاتی کے کینسر کا ابتدائی مرحلے میں ہی پتہ لگا سکتا ہے۔ماہرین کا ماننا ہے کہ نیا اے آئی اسکریننگ کا یہ طریقہ جو لیزر کو بھی استعمال کرتا ہے، بریسٹ کینسر کے ابتدائی مرحلے میں مریضوں کی شناخت کرنے والا اپنی نوعیت کا پہلا طریقہ ہے۔یہ ٹیسٹ خون کے نمونے میں ان باریک تبدیلیوں کی نشاندہی کرتی ہے جو بیماری کے ابتدائی مراحل کے دوران رونما ہوتی ہیں جو موجودہ ٹیسٹوں سے پتہ نہیں چل سکتیں۔ایڈنبرا یونیورسٹی کے محققین کا کہنا ہے کہ یہ نیا طریقہ بیماری کا جلد پتہ لگانے اور نگرانی کو بہتر بنا سکتا ہے اور کینسر کی متعدد شکلوں کی اسکریننگ ٹیسٹ کی راہ ہموار کر سکتا ہے۔چھاتی کے کینسر کے عام معیاری ٹیسٹ جو موجود ہیں، ان میں جسمانی معائنہ، ایکس رے، الٹراساؤنڈ اسکین یا چھاتی کے ٹشوز کے نمونے کا تجزیہ جسے بایپسی کہا جاتا ہے، شامل ہیں۔جبکہ ابتدائی طور پر مرض کا پتہ لگانے کے موجودہ طریقوں میں متاثرہ افراد کی کی عمر، ان کا خطرے سے دوچار افراد میں شامل ہونا یا عام اسکریننگ شامل ہے۔
