عالمی ریسرچ تنظیم نے بھارت میں اقلیتوں کیخلاف ظلم وستم پر بی جے پی لیڈر شپ کیخلاف عالمی پابندیوں کا مطالبہ کیا ہے۔ میڈیا رپورٹس کے مطابق سینٹر فاردی سٹڈی آف آرگنائزڈ ہیٹ کےایگزیکٹو ڈائریکٹر رقب حمید نے کہا کہ امریکی کمیشن برائے بین الاقوامی مذہبی آزادی بھارتی انتہاپسند ہندو رہنماؤں اور گروہوں کے خلاف سخت اقدامات کرے۔عالمی جریدہ ٹی آر ٹی کے مطابق عالمی ریسرچ تنظیم کے ایگزیکٹو ڈائریکٹرنے مودی، یوگی آدتیہ ناتھ اورہمانتا بسواکواقلیتوں کے خلاف مظالم کی جڑقرار دیا۔اقلیتوں پرظلم و تشدد ہندوانتہا پسند تنظیم، آرایس ایس، بجرنگ دل اور وشو ہندو پریشد کے ذریعے انجام دیا جاتا ہے، بھارت میں ریاستی سطح پر مسلمانوں کیخلاف تشدد اور املاک چھیننے کے واقعات تشویشناک حد تک بڑھ چکے ہیں۔ آسام میں2021 سے2026 تک مسلمانوں کے 22 ہزار سے زائد گھروں کو تباہ اور لاکھوں افراد کو بے دخل کردیا گیا۔
