انٹرنیٹ کی دنیا کا ایک انقلابی سرچ انجن Ask.com تقریباً 30 سال بعد باضابطہ طور پر بند کر دیا گیا ہے۔انٹرنیٹ کے شروع کے دور میں یہ منفرد پلیٹ فارم 1996 میں گوگل سے بھی پہلے Ask Jeeves کے نام سے مشہور ہوا تھا۔اس سرچ انجن کی خاص بات یہ تھی کہ صارفین قدرتی زبان اور کلیدی الفاظ استعمال کرتے ہوئے سوال کی شکل میں اپنی تلاش درج کر سکتے تھے۔2006 میں سرچ انجن کے نام سے ’Jeeves‘ کو ہٹا دیا گیا کیونکہ یہ دیگر سرچ انجنز کا مقابلہ نہیں کر پا رہا تھا، جس کے بعد ویب سائٹ کو ری برانڈ کر کے Ask.com بنا دیا گیا اور اب یہ ویب سائٹ باضابطہ طور پر بند کر دی گئی ہے۔انٹر ایکٹیو کارپوریشن (آئی اے سی) جو 2005 سے Ask.com کی مالک تھی، نے ایک بیان میں کہا کہ ہر عظیم تلاش کا ایک اختتام ہوتا ہے۔آئی اے سی نے کہا کہ جیسے جیسے کمپنی اپنی توجہ مزید مرکوز کر رہی ہے، اس نے اپنے سرچ بزنس کو ختم کرنے کا فیصلہ کیا ہے، جس میں Ask.com بھی شامل ہے۔ادارے نے کہا کہ دنیا بھر کے سوالات کے 25 سال تک جواب دینے کے بعد Ask.com یکم مئی 2026 کو باضابطہ طور پر بند کر دیا گیا۔ کمپنی ان لاکھوں صارفین کی شکر گزار ہے جنہوں نے اس پر اعتماد کیا۔ ہم ان انجینئرز، ڈیزائنرز اور ٹیموں کے بھی ممنون ہیں جنہوں نے دہائیوں تک Ask کو بنایا اور سنبھالا۔
