لبنان میں اسرائیلی حملے میں دو افراد ہلاک ہوگئے ہیں۔لبنان کی سرکاری خبر رساں ایجنسی (این این اے) کے مطابق، جنوبی لبنان کے قصبے چوکین کو نشانہ بنانے والے اسرائیلی فضائی حملے میں دو افراد ہلاک اور متعدد زخمی ہو گئے ہیں۔این این اے کے مطابق چوکین کے میئر زخمیوں میں شامل ہیں، مزید کہا گیا کہ اس حملے سے کئی رہائشی عمارتیں بھی تباہ ہوئیں اور ایک محلے کو بڑے پیمانے پر نقصان پہنچا۔دریں اثنا اسرائیلی جنگی طیاروں نے دن کے اوائل میں ضلع نباتیہ کے قصبے ادشیت پر فضائی حملہ کیا، جب کہ ڈرون حملے نے کفرجوز- نبتیہ روڈ پر ایک گاڑی کو نشانہ بنایا، جس سے مادی نقصان ہوا۔اسرائیلی توپ خانے کی گولہ باری بھی فرون، غندوریہ اور وادی السلوقی کے قصبوں کے مضافات میں دوبارہ شروع ہوئی۔ صبح کے وقت ہیوی مشین گن فائر کے ساتھ ساتھ رامیہ اور قوزاہ کے آس پاس کے علاقوں کو نشانہ بنایا گیا۔
