اپوزیشن گرینڈ الائنس نے حکومت مخالف اتحاد کو مزید وسعت دینے کے لیے اہم رہنماوں سے رابطوں اور ملاقاتوں کا آغاز کر دیا ہے، اپوزیشن قیادت سندھ میں بھی پڑاؤ ڈالے گی۔ تفصیلات کے مطابق تحریک تحفظ آئین پاکستان کی قیادت آج سے سندھ روانہ ہوگی، تین روزہ دورے کے دوران گرینڈ الائینس اتحاد کیلئے اہم ملاقاتیں شیڈول ہیں، اپوزیشن الائینس جی ڈی اے کی قیادت سے ملاقات کرے گا۔ اپوزیشن رہنما جئے سندھ کے سربراہ ایاز پلیجو سے حیدرآباد میں ملاقات کریں گے، وفد میں محمود اچکزئی، اسد قیصر، صاحبزادہ حامد رضا، اخونزادہ حسین، بی این پی مینگل اور ایم ڈبلیو ایم سے رہنماء شریک ہوں گے۔ اپوزیشن رہنماؤں کے وفد میں سیکرٹری جنرل پاکستان تحریک انصاف سلمان اکرم راجہ بھی شامل ہیں، دورے کے دوران بزنس کمیونیٹی اور بار ایسوسی ایشن سے بھی ملاقاتیں ہوں گی۔
