Published: 12-06-2021
اسلام آباد(بیورورپورٹ)وفاقی وزیر اطلاعات فواد چوہدری کا کہنا ہے کہ اگلے سات سال بھی یہ اپوزیشن والے ایسے ہی بینر اٹھا کر کونے میں کھڑے ملیں گے۔
سماجی رابطے کی ویب سائٹ ٹویٹر پر اپنی ٹویٹ میں وفاقی وزیرِاطلاعات فواد چوہدری کا کہنا تھا کہ بجٹ کو ہر طبقہ فکر کے لوگوں نے سراہا اس سے اس بجٹ کی اہمیت بڑہ جاتی ہے، اپوزیشن کا رویہ حسب معمول غیرذمہ دارانہ رہا۔وفاقی وزیر کا کہنا تھا کہ اپوزیشن نے اب تک بجٹ پڑھنے کی بھی زحمت نہیں کی، ایسی غیرسنجیدہ اپوزیشن سے عوام کیا توقع کر سکتی ہے، یہ لوگ آئندہ 7 سال بھی ایسے ہی بینر اٹھا کر کونے میں کھڑی ملی گی۔
